CitySky Wallpapers Download: Yellow! (天空桌面： 野佬)

少爺占事隔6年終於歸隊，與一班野佬重拾青春，以樂隊野仔姿態推出新歌《年輕的我們》，大玩回憶攻勢，各位樂迷又係時候開定YouTube狂Loop。 野仔可謂陪伴不少8、90後成長，《相約在八王子》、《周慕雲》、《中學生應該談戀愛》等等歌曲，相信你隨時都可以唱出一段副歌。新歌《年輕的我們》第一句「不見不散　你我青春的時間」，旋律與歌詞正正出於《中學生應該談戀愛》，一個相隔8年的前後呼應，相信不少樂迷聽到都會覺得感動。 野仔返嚟喇！更向大家送上新歌《年輕的我們》。(MV截圖)

樂隊野仔事隔多年再次開騷，一連兩場的演唱會今晚（4日）於麥花臣場館開始，全場爆滿！野仔身穿寫着「香港野仔」的復古服裝登場，唱出《開始》及《野仔》等歌曲，歌迷即high爆企晒起身。上次成員何兆基以野佬身份開騷，一開口獨唱就走音，但今次他經過苦練後，總算唱得四平八穩。對於各成員可以再度聚頭，少爺占一度感觸落淚，而小胡則趁機宣布將於8月18日結婚，令歌迷大感驚喜！ 演唱會唱至11點幾才完結，少爺占坦言很開心：「希望第二場我哋講少啲嘢，可以玩多啲歌！」得到很多祝福的小胡則表示感謝：「最感動係見到細細個就嚟睇我哋嘅歌迷，依家帶埋老公嚟睇！」DJ Pong指不少歌迷穿上野仔以前的演唱會Tee現身，令他們勾起不少回憶，而何兆基亦形容這晚氣氛很好，希望第二晚繼續good show！ 等咗咁耐，野仔終於再開騷！ 佢哋着上復古服裝登場。 佢哋演唱多首樂隊歌曲。 少爺占一度感觸落淚。 小胡話見到跟咗佢哋好多年嘅歌迷覺得好感動。